Што е реформер пилатес? Водич за почетници
Реформер пилатес се вежба на справа со подвижна платформа и пружини што даваат прилагодлив отпор. Наместо тежини, отпорот доаѓа од пружините, а движењата се контролирани и со ниско оптоварување на зглобовите.
Како функционира реформерот
Реформерот има рамка, подвижна платформа (carriage), пружини со различна јачина, ленти и потпирач за нозе. Со менување на пружините се менува и тежината на вежбата — истата вежба може да биде лесна за почетник и многу барателна за напреден клиент.
Затоа реформерот е погоден и за некој што почнува од нула и за некој што со години вежба.
Како изгледа еден час
Во Bloom еден час трае 60 минути, со максимум 3 клиенти и 3 реформери. Почнуваме со дишење и загревање, продолжуваме со работа на стабилен центар, сила и мобилност, и завршуваме со истегнување.
За кого е соодветен
Реформер пилатес обично им одговара на луѓе што сакаат да работат на сила, држење на телото и мобилност без високо оптоварување. Ако имаш здравствена состојба или повреда, консултирај се со лекар пред да почнеш — тренингот не е замена за медицински третман.
Резервирај го својот прв час на реформер во Скопје.
Реформер пилатес за почетници